We reach portharcourt and i stop for where i go see motor go Aba city,
i cross to the other lane with my garri even though wheelbarrow
pushers they disturb me make them help me carry my load, i nor gree oh
i dont have money to pay so i took it by myself.
I stand for bus stop they wait for all those agberos boys wey call
themselves drivers, e nor take long before i see one wey they go
oshisioma for Aba so i enter inside and the fee na 400 naira, as usual
the bus they rough with old glass wey no they even screw self, the sit
na joko once you sit down five minutes your yash don they pain you be
that, no side mirrors and no horn, the bus is painted yellow, is
hardly you see nice bus going to Aba except all those stingy car
owners wey nor they gree help fellow country man except you be find
babe, well i nor blame them sha very soon me too go they drive my own
i dont even know whats wrong with the driver because him they drive
nonsense see as him they speed as if na him papa get road, the one
wey they fear me na the way him they overtake big big motor, and our
bus no get side mirror or horn oh, i just they pray for my mind make
we quick reach Aba Make i disappear commot for this yeye motor.
Conductor: Back sit bring your money.
Na only that word them sabi talk, their own no they pass money them
fit die for fifty naira self, you go give them money now and you go
begin beg them for change again, sometimes self them go they argue say
them no hold you change, so if i they travel i they always find change
for house before i enter road oh, no time for trouble cause as you see
me i be gentle boy wey no like kasala, if you wan know me better go
meet baba Buhari, i put hand for wallet and give the yeye conductor
him money, after him don collect all the money finish the driver stop
for Ibibio and he come down while the conductor enter the drivers sit
and took off after him don settle the former driver finish, hmm that
means na the conductor get the bus or maybe him borrow am,
as we they commot for Portharcourt they enter road to Aba after we don
pass police checkpoint my phone started ringing in my pocket, i look
at the screen and i saw my love mercy.
Me: hello dear.
Mercy: how far, i don wait for you tire oh.
Me: no vex we don they come already.
Mercy: na where una they now?
Me: we just commot for Portharcourt now, we will reach Aba before six.
Mercy: okay dear safe journey oh.
Me: thanks alot, i don reach Aba finish so nothing fit stop me now,
not even Adanna.
Mercy: hahahaha stop mentioning her name.
Me: what? Am not afraid.
Mercy: oh yeah i know you are not but its better we let the sleeping dog lie.
Me: okay i wont mention her name again.
Mercy: better, so do and come am eager to see you.
Me: me too dear, oyaa throw me kiss na, “i don begin they get
attention again from people inside the bus”
Mercy: yeyeboy bye bye joor
Me: okay lovie
Mercy: wait please.
Me: okay whats it?
Mercy: sweetie please the bus you enter is it painted with yellow colour?
Me: yes a yellow colour with white stripe lines on its body, how did you know?
Mercy: sweetheart do me a favor please.
Me: whats that dear?
Mercy: please come down from that bus now.
Me: but why we are already half way?
Mercy: sweetie just listen to me, get out of that vehicle now i will
explain things to you later.
Me: okay i will
as i drop the phone wanted to call the driver to stop, we were about
to overtake one big dangote lorry so i open my mouth to speak but i
cant, it seems like my mouth were locked with key, i try again but no
success, i try to talk to my neighbour but she don sleep already, i
dont know what to do and as our driver they try overtake the lorry,
the back tire of our bus burst and behold our driver hold break at
once in front of the big lorry, oh dear the mess that happen that day
is something i cant really explain, the big lorry use its big head
carry our bus go throway for inside bush, na there i remember reach
till i go see myself for Abia State University Teaching Hospital
(Absuth) in Aba sleeping on a patience bed with all my body plastered
like dead person.
For the complete story send airtime #200 to 08066418379 to get the PDF format
This post has been seen 13168 times.